Zoatmaal van verdeenste 2023 ‘de Grenskapel’

Vanaaf 1965 is de Grenskapel de prinsekapel van de Zoatmaale. Jaorliks verzörgtj ze de muzikale omliêsting van de Boontje aovendj, de prinse resepsies in Rooj en resepsies die door de Zoatmaale waere bezogtj. Ut muzikaal vastelaoves-virus weurtj doorgegaeve van generatie op generatie.

Ouch op vastelaoveszonnig opentj de kapel steevast de vastelaovendj same met de Zoatmaale, mèt ut Limburgs Volksleed.

Een aantal kieër heet de kapel mètgedaon aan de boontje aovendj en aan de leedjesaovendj. Gewonne woort d’r neet, mer ein twieëdje plaats mèt ‘oos joekskapelke’ is ut verneume waerd.

Tot een aantal jaor geleeje woort de vastelaovesvereiniging de hieële vastelaovendj biêgestange door de kapel en meinig aod prins heet mètgedeindj op ‘hij was maar een clown’. Mer nog sjoeëner, ein träönke gelaote as d’r op de verkesleijer onger ut geluid van ‘zoals vrienden doen’ op dinsdig woort oetgedrage.

Wae as Zoatmaale zeen gruuëts det wae al zoeë lang same, zie aan zie, de Vastelaovendj in Rooj kleur gaeve. En wae hope detj gae nog jaore mèt os veurop gaotj!

Ut duît os dan ouch deugd det wae de Grenskapel namens v.v. de Zoatmaale moge beneume tot Zoatmaal van verdeenste.