Sikkendantepaar Jordi & Anne
Wae zeen Jordi Tieëuwe, zoon van Leike van Reine Bert en Keetje van Krùkke Leike en Nicole van Leeje Sjef en Mia van Palme oet Èll.
En Anne Clerkx, dochter van Wil van Vleet Tjeu en An van Veltjemus en Marca van Jan van Nauts Saes oet Wieërt en Truus van Kessels oet Ospel.
Wae zeen allebei 27 jaor aod en woeëne sinds 4 jaor same oppe Veldjstraot aan ’t Baèle Erfke.
Jordi wirktj as spoedeisendje hulp en intensive care verpleegkundige in ’t VieCuri Medisch Centrum in Venlo. Anne wirktj as persuuënlik begeleider van minse mèt ein ernstig verstandelikke beperking mèt gedragsproblematiek bie Sint Anna in Hael.
Wae zeen op zònnig allebei oppe Steinakker te vinje. In t weekend gaon wae gaer mèt oós kameräöj d’r eine dreenke en mèt de vastelaovendj zeen wae euverâl te vinje as lid van v.v. de Vreikers en v.v. Òngeroet.
Same mèt Prîns Stan, en sikkendantepaar Rick en Lonneke gaon wae veur eine geweldjige Vastelaovendj!
