Zoatmaal van Verdeenste 2026

Zoatmaal van Verdeenste 2026

Op de Boontje Aovendj hebbe de Zoatmaale Piet en Rien van Loon in ‘t zunke gezatte en heur same beneumdj tot Zoatmaal van Verdeenste.

Piet en Rien hebbe zich door de jaore haer op versjillendje wiêze ingezatte veur de Roojer vastelaovendj. Tiejes völ activiteite wore Piet en Rien trök te vinje aan de achterkantj van ‘t buffet. Gedreve door kwaliteit koste wae neet anges dan eine goje pot beer verwachte.

Jaore hebbe de Zoatmaale bie Piet en Rien inne kefee kinne geniete van eine goje pot beer en gezellige momênte. Diverse prinse hebbe bie Piet en Rien heur lèste momente as prins belaefdj en zeen dao op de lei-jer nao boete gedrage. In heure zaal koste wae terecht veur ‘t optochtbâl en vastelaoves-maondjig.

Mèt opbouwe veur de vastelaovendj, mer ouch veur anger activiteite koste wae bie Piet altiêd terecht veur gevraogdj, mer nog dèkker veur òngevraogdj advies. Det leverdje sòms waal get gesteggel op, mer waas altiêd bedoeldj òm zake baeter te make. Want, bie Piet en Rien mòtj “tegooj!!”. Det waas veur ederein normaal. Mer waat neet altiêd ederein zuût is det Piet en Rien hiêmèt achter de sjerme hieël völ tiêd kwiêt wore. Toen dit extra werk ziêne lichamelikke tol ging eise, most d’r helaas ieërder dan ze zelf haje gewildj gestoptj waere mèt ‘t haoje van ‘t optochtbâl en vreiselikke maondjig bie van Loon.

Piet en Rien eine dikke merci veur eur biêdrage aan de Roojer vastelaovendj en proficiat mèt eur beneuming tot Zoatmaal van Verdeenste.