Sikkendantepaâr 2026
Joris & Ylva
Ich bin Joris Heuvelmans, jòngste en netste zoon van Miriam van Pierre vanne Bekker en Mien van Krisjes Sjef en Funs van Lotje vanne Fuus oet Ell en Lies van Kets Graatje oet Ospel. Sinds aafgeloupe jaor woeën ich same mèt Ylva en oze hoondj Bob oppe Walestraot. Ich wirk bie Evoke in Wieërt, woeë ich as Teammanager Supply Chain & Logistiek probeer òm zoeëvöl meugelijk minse te veurzeen van ein sjoeën noe baan. Daonaeve probeer ich waekelijks ein belke te houwe oppe tennisbaan bie de Grensmeppers en bin ich òngerdeil van eine sjoeëne vrinjegroep, de Vreikers.
Miene naam is Ylva Verhagen, dochter van Peter van Tjeu van Kumpe en Toos van Drees Vanlier en Marjon van Jan van Wullem van Hens en Mien van Daemen Harie. Ich bin opgegruudj in Kelpen-Oler en woeën sinds twieë jaor mèt völ plezeer in Rooy.
As kinderfysiotherapeut bie Fysiotherapie Helwegen & Peters help ich kinjer van alle laeftieje mèt motorische probleme. Daonaeve bin ich regelmaotig te vinje bie mien paerd, in de fitness en gaon ich gaer op paâd mèt mien vriendinne.
Wae kieke d’r nao oet òm d’r same eine kei sjieke vastelaovendj van te make!
