Sikkendantepaâr 2024 Bart & Vera

Sikkendantepaar Bart & Vera

Ich bèn Bart Rietjens, zoon van Roy van Thijs van Hager Giel en Nelly van Kösters Christje en Edith van Jac van Flesters Neelke en Gemma van Lemme Zef.

Bèn noe bekans 2 jaor same mèt Vera Steijvers, dochter van Henk van Klauwers Tjeuke en Jeukske van Petits Rein en van Bertha van Meiese Griet en Giel van Vester Frans. 

Zoeë as de meiste van uch waal wete wirk ich biej de MaroyBar hoeëdet ich as 4e generatie kastelein gaon probere toch minimaal 1 café in Rooj ope te haoje. Vera heet gelökkig waal heur bèst gedaon op sjool en wirktj as Jurist Arbeidsrecht biej Achmea Rechtsbijstand. 

As Benjamin van miêne vrinjegroep De Dikke Snul goaon ich regelmaotig vergeliekingsòngerzeuk doon bie anger café’s en Vera keumtj same mèt heure vriendinnengroep geregeldj bie mich aan ut buffèt zitte. Daonaeve zeen wae allebei actief bie KVW, Vera as secretaris in ut bestuur en ich as leider.

Wae kieke oet nap eine sjoeëne vastelaovendj same mèt ut prinsepaâr, sikkendantenpaâr Guus en Ellen en alle anger minse om os haer!