Jeugdvorst 2024

Ich bin Lance Snijders, jòngste en nateurlik leefste zoon van John Snijders van Pietjes Jaac en Cindy Nelissen van Jo van Kraggebos Pier.

Bin geboore op 18 juli 2011 in ’t zekehoês van Wieërt middels ein keizersnee. Ich waas eine sterrekieker, kwaam d’r zelf neet oet.

Bin opgegruudj mèt miene aojere broor Dean woeë ich tegenop kiêk en aaf en toe ins mèt mòt sparre.

Ouch hebbe wae ein hundje, Jacky, dae is alles veur mich. Mien hobby’s zeen ein belke trappe op ’t voetbalveldj en ein belke slaon op ’t tennisveldj.

Ouch gamen en chillen mèt mien vrinj doon ich gaer.

De minse die mich kinne wete det ich gaer koôk, aet en drink, mer jeh, det heb ich ouch van geine vreemdje, kiek mer nao os pap.

Same mèt uch allemaol wil ich d’r ein knallendj vastelaovendjseizoên van make woeë wae nog lang van nao kinne genete.

Alaaf