Jeugdadjudanten Merel en Vigo
Ich bin Merel Kwaspen,
Knapste mer veural grappigste dochter van Andy van Piet van Sjoemaekers Lei en Antoinette van Theu van Trienen oet Bieësel, en van Monique van Albert en Mieke Kisters oet Wieërt.
Bin gebore op 12 juli 2013 en woeën oppe Prinses Beatrixstraot 1, tegeneuver de Bar.
Ich heb eine broor Lucas woeë ich hieël völ van haoj en super gruuëts op bin. Gae kintj hum waarsjienlik waal als jeugdprins van 2024. Wae hebbe ouch eine hieële leve hoondj Charlie.
Same mèt prinses Sien gaon ich mèt völ plezeer nao de Phillips Van Horne.
Verder dans ich bie Fresh en handjbal ich bie HV Stramproy. Snuike dao haoj ich neet van, mer veur ein lekker stök chocolaat kintj gae mich altiêd wakker make.
Ouch heb ich eine te gekke vriendinnegroep en zètte wae gaer de boel oppe kop.
Ich bin vreiselik gruuëts òm adjudante te zeên en wae gaon d’r same eine te gekke vastelaovendj van make!
Alaaf!
Ich bin Vigo Creemers,
Jòngste, braafste mer veural netste zoon van Roger van Geurte en Ingrid van Tieve oet Tungelder.
Gebore op 22 november in ’t zekehoês van Wieërt en heb al snel gelieërdj òm vastelaovendj te vere.
Woeën oppe Horsterweg mèt mien broor Jesse en zus Reza woeë ich gaer mèt wil kuite en in de hoôf wil handjballe. Waat zulle die noê vreiselûk gruuëts op mich zeen.
Gaon gaer atletieke, zwumme en nao de scouting in Tungelder. En maak ouch tiêd veur mien dagelijkse fietstocht nao ‘t Coleesj in Wieërt mèt mien vrinj.
Ich veer al mien hieële laeve vastelaovendj mèt de Wirmelieërs en de Kammeräöj. Mer daon ouch zelf mèt vrinj ane wichteroptocht mèt.
Ich vinj ’t kei-sjiêk òm as adjudant dit jaor hiê te staon en zal d’r deze vastelaovendj hieëlemaol veur gaon.
Alaaf!
