Daag Zoatmaelkes en Zoatmaalinnekes,
Ich bèn Jop Gitmans, gebore op 4 februari 2010, 11 daag veur de Vastelaovendj.
Toen heet os mam mich ‘t vastelaovesbloôd al good doorgegaeve.
Vanaaf mien ieërste jaor heb ich mèt gedaon ane optocht same mèt Des Vrieët.
Die zölle zich dit jaor ouch van heure goje kântj laote zeen; veurâl mèt de wichteroptocht zal ich gruuëts toekiêke, want de jeugd heet de toekomst.
Ich zit in ‘t ieërste jaor van ‘t Kwadrant in Wieërt.
Same mèt mien vrinj de Remmels bèn ich dèk te vinje op ‘t voetbalveldj van Brevendia, en sinds kort slaon ich gaer eine slaâg mèt bie sjötterie St. Catharina. Ich hoop mèt heur nog hieël get optochte te loupe.
Same mèt uch gaon ich d’r veur zörge det deze vastelaovendj ein groeët knalfieëst weurtj, zoeëdet wae hum neet snêl zölle vergaete! Dootj gae allemaol mèt???
Alaaf
