Proklamasie Jeugdprinsepaar 2023 Sem & Eef,
Wae, Prins Sem,
Aodste, slumste en veural knapste zoon van Paul van Jan Janshen van Fieke en
Maria Timmermans van Janen (oet Laor)
en van Hanneke van Hennie van Mia van de Putter van de Remunjseweêg en Riny
van Catrinicus Pier oet Wieërt.Gebore op 23 juli 2009 in ‘t zekehoês van Wieërt. Ich heb nog 2 kleiner
breurkes, Daan en Tim woeë mèt ich d’r thoês
ein gezellige bende van maak. Blitz, oze hoondj huuërtj dao neteurlik ouch
biê.
Wae woeëne alweer ruum 7 jaor oppe Vlasakker.Gaon veur ’t ieërste jaor op ‘t fietske nao de Philips van Horne in Wieërt.
Det doon ich mèt eine hieële kliek,
woeë ouch mien prinses in mètfietsj. Altiêd dikke lol same!
Ich bin super sportief. De meiste tiêd besteej ich aan voetballe bie
Brevendia in de JO15-2
en anges bin ich tege eine bâl aan ‘t houwe bie de Grensmeppers.
Mèt de vrinjegroep De Remmels doon wae allemaol keiruig dinger en hebbe wae
de lèste kieër mèt-A gedaon aan de Jeugdoptocht.
Waat waas det kei sjiek! De jury begreep helaas neet hieëlemaol, det wae dae
dikke priês verdeendje!
Dit jaor bin ich alweer van de pertie, zelfs bie 2 optochte bove in de top
van oze sjieke Zoatmaelkeswage
en neteurlik weurtj de Jeugdoptocht weer de langste. Ich heb dao noê al
hieël völ zin in!
Woeë ich ouch zin in heb is om det same mèt mien prinses te kinne doon.
Gruuëts bin ich òm deze vastelaovendj mèt mien prinses Eef veur te moge
gaon!
Wae, Prinses Eef,
Innigste, netste, kleinste, mer zeker dapperste dochter van Johan van Huub
van Nie van Sus en Nelke van Jeupe,
en Anne-Marie van Peke van Tjeuke van Keub en Mia van Sjoteles Sjeng oet
Itter.
Gebore op 10 september 2010 mèt Rooj kermis thoês op de Marijkestraot. Ich
heb nog ein jònger breurke Pim
en eine aojere broor Sam, die echt alles veur mich beteikene en woeë ich
hieël völ van haoj.
Doordewaeks fiets ich mèt miene prins Sem nao de Philips van Horne, woeë det
wae same de klas flink oppe kop zètte.
Bie Brevendia kindj gae mich ouch dèk vinje. Dao trap ich mèt de dames ein
lekker belke .
Ich bin ein echt wervelwindje. Wilse mich röstig kriege laot mich dan get
freubele of wat lekkers bakke!
Mer ich zègk uch noê al, mèt dees daag bin ich neet röstig te kriêge!
Het leefst aom ich namelik ‘t hieël jaor door Vasteloavendj. Dae schmink,
die klei-jer en dae meziek.
Altiêd fieëst. Veur mich niks sjoeëners as det! Same mèt Sem gaon ich d’r
daoròm vol veur!
Wae doon uch wete, det:
Ten 1e De keuze veur mien prinses waas veur de volle 100%
toen ze jao zagt waas ich echt hieël content.
Ten 2e Mèt roeëd-gael-greune foundant ,
bak ich mien taertjes hieël krokant.
Ten 3e Oos mam kaltj van drei-j kieër Alaaf,
ein vraog aan uch, woeë keumtj die vanaaf?
Ten 4e Adjudante Tuur en Linn,
gae maaktj oze vastelovendj all-in!
Ten 5e Jop, vastelaovendj in dien blood,
maakst mèt os dees daag keigood!
Ten 6e Wae zeen echt hieël fotogeniek,
Ein selfie mèt uch vinje wae kei sjiek!
Ten 7e Sinds 2020 make wae as vrinjegroep De Remmels bâl,
Wae knaldje toen in de optocht, mer doon det echt euverâl!
Ten 8e Wae zeen same bie de Berg,
eine extra wage inne Jeugdoptocht vinje wae dan ouch hieëlemaol neet erg.
Ten 9e Mèt ‘t haenke en ein hin veurop,
gaon wae mèt Brevendia veur goud en dit is toch top?
Ten 10e ’t Boonder, det noew zonnepark in Rooj maaktj os hieël blie
want det geuftj os mèt dees daag zeker genògt energie!
Ten 11e Mèt vastelaovendj hieël intens,
geit Rooj nog ins flink ‘Euver de grens’.
Zoatmaelkes en Zoatmaalinnekes,
Dit is veur os het jaor det weer alles maag.
Wae hope dan ouch same met uch te gaon knalle de komendje daag.
Hopelik zeetj gae dan allemaol present en gaeftj gae uch veur de volle 100%.
Gek doon mòtj gae dit seizoen echt neet laote.
Dootj eur sjoeënste pekske aan en trèktj mèt os door de Roojer straote.
Roeëd-gael-greun, mèt eine houp energie, dus wichter paktj uch bie ein veur
ein groeëte vastelaovendj party!
En dit allemaol ònger oos devies,
Mèt de bal oppe taart, gaon wae same knalhaard!
Drie kieër Rooj – ALAAF!
