Proklamasie Jeugdprinsepaar 2022 Sanne & Sam,

Wae, Prins Sam

Aodste, henjigste en groeëtste zoon van Johan van Huub van Nie van Sus en Nelke van Jeupe, en Anne-Marie van  Peke van Tjeuke van Keub en Mia van Sjoteles Sjeng  oet Itter.

Gebore,  eine daag veur Sinterklaos  op 4 December  2008 Thoês op de Marijkestraot. Ein groeëter  en sjoeëner kedo koste os pap en os mam zich neet bedînke. 

Ich heb nog ein jonger zösterke Eef en ein jonger breurke Pim.  Ich kan waal zègge det ich hieel gruuets bin op dae gooje bandj dae ich mèt heur allebei heb.

Doordewaeks gaon ich nao de Philips van Horne en volg ich de technologie route. Naeve sjool kintj gae mich dèk zeen glij-je op de skatebaan bie os op ’t veldje en hou ich gaer ein belke op de tennisbaan.

In de Wintjer  gaon ich auch gaer skieje in Oeësteriêk.

Vastelaovendj veer ich same mèt mien vrinj van de Partypoppers, die al ein paar prieze hebbe gewonne in de Jeugdoptocht, echte Toppers dus! Optochte loupe is hieël normaal veur mich, want mèt 11 waeke leep ich al veur de 1e kieer mèt aan de groeëte optocht.

As lèste bin ich vrieët gruuets det ich dit jaor de vastelaovendj veur maag gaon mèt Sanne. Ich waas dan ouch mer get bliej det ze mich heet gevraogdj. Hiej staon in tenu waas al altied miene wins, mer efkes dacht ich, det dit aan mich veurbiej ging as prins.  

Wae Prinses Sanne,

Jongste, netste en innigste dochter van Frank van Jan van Mackus Tru en Thieu van Bobberte

en Elly van Hùrmes Guus en Mieke van Geurte, en Irma van Frans van Sientje en Huub van To oet Itter en Angelien van Niesse Jack en Versteege An.

Ich bin gebore op 10 mei 2008 oppe Baeleweeg, as moederdagkedootje. Opgegruudj same mèt mien groete broor Lars op ’t streutje in de sjieke buurt Wisbrook. Nog efkes en de roed gael en greun lempkes hebbe op het streutje aan eder deur gehange.

Door de waek völ ich miene tied veurnamelik in door nao Yuverta in Nederwieërt te fietse. Daonaeve maak ich gaer tied vriej veur mien hobby paerdrieje en probeer ik ein belke inne goal te goeëje bie de handjbal. 

Ich vinj het super sjiek det Sam jao zagt op mien vraog en dit avontuur same mèt mich wiltj belaeve.  Wae gaon os dan ouch hieël gaeve. 

Wae doon uch wete, det

Ten 1e – Sam

11 waeke joonk en ich deej al veur de 1e kieer aan de optocht mèt, 

ein bewiês hiej van zeetj gae in de vasteloavendjs gezèt.

Ten 2e – Sanne

Ein sjetske en ontwerp make vinj ich te gek, 

aan inspiratie veur oos geweldjige ongersjeiing dan ouch gein gebrek.

Ten 3e – Sam

Miene vrinjegroep de Partypoppers, 

det zeen nateurlik échte vasteloavendj toppers.

Ten 4e – Sanne

Mèt dees daag blieve mien paerd Mandy en Masja op stal staon, 

want Sam en ich wille noê zelf veurop gaon.

Ten 5e– Sam

As wae te laat thoês kome verwachte wae echt geine preek,

Wae moge alles, want wae hebbe de vaere in de steek!

Ten 6e– Sanne

Mèt  mien super handjbalteam probere wae alle wedstriede te winne. 

Mer sorry team, noê heb ich echt de aller groeëtste pries binne.

(Sam: det bin ich!; alternatief: fijne desse det euver mich zeest Sanne)

Ten 7e – Sam

Ski-je doon ich echt super gaer, 

Mer mèt Vasteloavendj kriegs se mich echt neet nao die berg haer.

Ten 8e – Sanne 

Wae trèkke dit jaor zeker wete door de Roojer straote,

of wae Corona noe waal of neet achter os kinne laote!

Ten 9e – Sam

’t Tennisracket geit aan de kantj,

Want  wae gaon fieëste mèt alle wichter in oos Zoatmaalelandj.

Ten 10e – Sanne

Mèt de Jeugraod gaon wae op paad,

Rooj en omstreke, maaktj uch de borst mer naat.

Ten 11e – Sanne & Sam

In oos aojers heur vootspore, 

Zeen wae oos hert hieëlemaol aan de vasteloavendj verlore.

 

Zoatmaelkes en Zoatmaalinnekes,

Wae zeen neet Corona, mer  ‘t vastelaoves virus op t spoor en gaeve dit echt hieël gaer aan uch door. 

Wichter kintj gae uch hiej in vinje? Dan kinne wae  hieël t Zoatmaelkeslandj aan ein verbinje.

Same, as eine groëete kliek, weurdj dit kei sjiek!

En dit allemoal onger oos devies,  

Met de Pony op stal, “serveren” wae uch vastelaovesbal!

X