Adjudantepaâr Kiona & Jens

Ich bin Kiona Huijsmans,
Bèn gebore ein paar daag veur de 11e van de 11e, op 8 november 2008 in ’t zekehoês van Wieërt. Bèn noê dus 13 jaor en zit in ’t ieërste jaor op ’t kwadrant in wieërt.

Ich bèn de jongste mer waal netste dochter van Alexander van Wiel van Mat vanne Kets en Vivian van Huub van Aole Theu oet Laor.
En ich bèn ’t leefste zösterke van Aod Jeugdvorst Cheyenne. Die noê nateurlik mega gruuëts op mich is.

Mien Hobbies zeen Voetbal (biej JO 15-3 van Brevendia), scouting,  teikene en nateurlik vastelaovendj vere in os eige Rooj mèt mien vrinj.

 

Ich bèn Jens Verheijen,

Bin 13 jaor en de jongste, knapste en henjigste zoon van Robert van Well van Thieu van Helkes en Truus van Sienes Louis en Suzanne van Har van Mertens Sjaak en Lies van Thieu vanne melkboor.

Ich heb ein aojer zus Britt die oûch vastelaovesblood heet en mich al get heet kinne lieëre als jeugdprinses in 2018.

Ich woeën òmme hook vanne zaal in de keuningklikke straot namelik de Prinses Marijkestraot.

In miene vrieje tiêd haoj ich van volleyballe in de B1 van Stravoc, same mèt mien vrinj chille en mountainbike.

Daonaeve gaon ich oûch gaer mèt de Kaepernegel in de zomer kampere op Ieëmeshoôf.

Wae gaon d’r same mèt ’t Jeugdprinsepaar Sam 1e & Sanne 1e en Jeugdvorst Tren eine vrieët sjoeëne vastelaovendj van make. Wae hebbe d’r zin in. Dootj gae allemaol mèt, dan weurtj ‘t nóg gezelliger.

X