Home > Zoatmaal van verdeenste

12 januari 2018

 

“Zoatmaal van Verdeenste “

 

Ein paar jaor geleje heet V.V. De Zoatmaale  “De Zoatmaal van Verdeenste” in ut laeve geroope, omdet zu ut vrieët belangriêk en sjoeën vindtj det völ minse in os eige Rooj bezig is mèt de Roojer Vastelaovendj en zich inzètj veur de Roojer Vastelaovendj. “De Zoatmaal van Verdeenste” is ein òngersjeijing in de vorm van ein sjoeën speldje, det weurdtj oetgereîktj as waardering veur detgene wat eemes heet beteîkendj of nog beteikentj veur de Roojer Vastelaovendj. Det kan eine kaerel zeen, ein vrouw, ein koppel of zelfs eine hieële groep.

De “Zoatmaal van Verdeenste” is dit jaor toegekèndj aan Henk Hendrikx.

Henk duit in 2018 veur de 34e kieer met aan de Boontje Aovendje. Vul bezeukers hebbe kinne geneete vanne typetjes van Henk. Henk steit bekendj om ziene sjoeëne humor tiedes de ekts met o.a. Jan en de lèste jaore met Rocco en Guido, Sharon en Tjeu.

As tekstsjriever vanne Zoatmaale-gezet levertj Henk al jaore lank zien biedrage en zurgtj veur ein sjoeën Vastelaovendjs-gezet.

Auch tiedes de optochte in Rooj kan ut publiek al jaore geneete vanne aanwezigheid van Henk, dae zurgtj veur de nuudige humor en eine lach op ut gezicht van de minse langs de kantj.

Namens Brevendia heet Henk auch jaore lank de altiêd gezellige Boorebroeloft in Rooj georganiseerdj.

Uiteraard maag ziene inzèt as veurzitter van Brevendia én Stichting Gemeenschapscentrum De Zaal neet vergaete waere.

Als bliêk van waardering veur zien groeëte biêdrage aan de Roojer Vastelaovendj en Rooj int algemein hebbe de Zoatmaale Henk ge-ieërdj door op vriedig 12 januari 2018 tiedens de Boontje Aovendj “De Zoatmaal van Verdeenste” oet te reîke.

 

V.V. De Zoatmaale