Bèste Zoatmaale en Zoatmaalinne,

Ich bin Emiel Vleeshouwers, jongste en slumste zoon van Peter van Leppers Thieu en Mia van Paoldoorke en Corina van Thieu vanne Birk en Mia van Siem.

 

Bin geboore op 7 mieert 1994 in ’t zeekehoes in Mestreecht. En opgegruudj oppe Demerstraot 35 in Rooj, saame mit mien broor Eric.

Inmiddels bin ig 5 joar saame mit mien vriendin Bonnie en woeëne we nog ein paar weake biej oos oajers veurdet wea op os eige gaon woeene.

 

Bonnie is enige dochter van Paul van Hurmes Guus en Geurte Mieke en van Marlies van Brouns Sjaak oet Haler en Dreijers Mieke.

Ze is geboore op 10 april 1996 in ’t zeekehoes van Sittard en opgegruudj in Rooj oppe Crixstroat. Inmiddels woeentj ze saame mit pap en mam hiej tegeneuver de zaal, zoedet ze mit dees daag de weeg mer euver hooftj te steake.

 

Ich wirk noe bekans ein joar oppe financiële aafdeiling biej Built to Build in Den Bosch.

In miene vrieje tieed trap ich gear ein belke biej Brevendia 3. Saame mit mien vrinj blief ich dan auch gear zitten veur de 3e helft of om ein putje te kruuse.

Doaneave help ig as penningmeister van KVW mit aan ein fantastische weak veur de wichter.

 

Bonnie wirktj al ein tieedje biej de Rabobank as Adviseur Dagelijkse Bankzaken en zurgtj det alle klantje die inne Bankhal binnen koome, fijn weare geholpen. In heur vrieje tieed geit ze gear op stap mit heur vriendinnen om “effe” biej te kletse euver vanalles en nog get. Auch geit ze gear sporten mit vriendinnen en is ze net wie ich vriejwilliger biej KVW, mer dan as leidster van 5&6.

Doaneave goan wea auch gear saame reizen.

 

Mit de vasteloavendj zeen we gear vanne partie. Ich biej miene vastelaovesgroep V.V. Nog Neet Genogt en Bonnie biej V.V. Ongeroet.

X