Sikkendantepaar  Daan en Saskia

Bèste Zoatmaale en Zoatmaalinne,

Ich bin Daan Coenen, jongste zoon van Frans van Huub en Sien van To en Angeliene van Niesse Jack en Versteege An.

 

Bin gebore op 10 augustus 1994 in ut zeekehoes van Wieërt, en same mit mien 3 zussen en miene broor opgegruuedj oppe Minicamping Molenbroek.

 

Bin intusse al bienoa 10 joar same mit mien vriendin Saskia, dochter van Joep van Aertssen en Margo van Leeje Thei en Tiny van Itter.

Gebore op 17 mieert 1995 in ut zeekehoes van Wieërt en opgegruuedj mit heur oajere zus en twie breurkes.  Wea woëne noe bekans 3 joar same oppe Gouverneur Houbenlaan.

 

Ig graaf al 8 joar mit vul plezeer koele bie van de Kruijs in Wieërt, terwijl Saskia als verpleegkundige leaves redj in het zekehoes van Veldhoven. Dit deut ze op de aafdeiling neurocare en hartbewaking.

 

In ozze vrieje tied zeen wea allebei vriewilligers bie de kvw, en help ig gear un hendje mit ut bouwe van de jeugdprinsewage.

 

Mit de vasteloavendj zeen wea dur altied gear bie, same mit ozze vrinje groep V.V de Dikke Snul!

X