Home > Prinsepaâr 2019

 

 

 

 

 

 

 

 

 

Wae, prins Jop Ie

Gebore oppe Klingestraot op 15 april 1990

As zoon van Jan van Reinkes Sjeng en Marian van Klemme Jaak,

Klein gebleve op Wisbrook same mèt mien zusje Sam.

Bin nao sjool gegange op de Willibrordus, en nao in Wieërt twieë sjole verslete te hebbe, oeteindelijk miên pepeerke gehaaldj op de MTS in Remunj.

Ich versterk noê het team van Greymans Paktech op Savelveldj,

Heb 3 jaor geleje miên maegdje, Pam van Chris van Thei van Kösters Christje, en Carla van Jan van Belle Naard bie-ein gedaôn.

En òmdet wae deindanger neet koste misse woeëne wae sinds juli same oppe Prinses Beatrixstraot.

Pam wirktj in het dagelijks laeve oppe PAAZ aafdeiling van het Laurentius zekehoês in Remunj.

Ich bin gruuëts lid van oze sjoeëne groep Ram Ane Pin, oftewaal Witte Raod

dae al dik 11 jaor besteît.

Bin noê Prins bie de grasie van aod prins Guido de 1e, vorst Geert-Jan, Ieërevorst Frank, de Raod van Elf en de kepel.

Doon uch wete det;

Ten ieërste.

Bie Greymans Paktech mòtte wae snel oszelf gaon automatizere! Want de komendje tiêd mòtte wae vastelaovendj gaon vere.

Ten twieëdje.

Als snowboardendje prins van Ram ane Pin heb ich mòtte verzake, mer ich hoop det ze os dit jaor aevegood eine kei-sjoeëne wage zulle make!

Ten derdje.

Mèt dit secundantepaar zullen wae get gaon belaeve! Dus wie de brandjweer van die bank aaf, wae gaon gaas gaeve!

Ten veerdje.

Nao 9 jaor de KVW-verzôrgers-oplei-jing te hebben gedaon, zal ich noê bie de KKG miên menke gaon staôn!

Ten viéfdje.

‘t Hieël jaor door lieëtj KVW de Rojer jeugd geniete, op ein iêsbaan, helling of de intocht van Sinterklaos en zien piete.

Ten zesdje.

Euver Wisbrook hoof ich neet te beginne, die wille dit jaor zeker weer d’n optocht winne.

Ten zevendje.

Floor en Tim, veur uch waastj nao veurig jaor bie de Zoatmaale gedaôn, asj gae toen haatj gewete det wae hiê noê staôn!

Ten achtste.

In de veurberei-jing reikdje de babyfoon net neet wiêt genògt, dus hebbe Guido en Susanne mer een hoês korterbiê gekochjt!

Ten neugendje.

Ieërevorst Frank, als vorst hebse 15 jaor achter het nèt gevèstj, want hebst mich as prins 2 kieër gemistj!

Ten tieëndje.

Al 6 jaor bouw ich mèt völ plezeer aan de jeugdprinsewage, gae snaptj waal det ich det stekske een jäörke euver zal drage.

Ten elfdje.

Mèt ein secundantemöts kost oos pap good gewaere, mer is dit neet völ sjieker, de möts mèt de lang vaere!

Ten twelfdje.

Gaer pòngel ich aan miene Amerikaanse klassieker;maaktj zoeë eine dikke V8 de optocht neet nog völ sjieker?!

Zoatmaale en Zoatmaalinne,

As jeugdprins heb ich het al moge lieëre,het vastelaovendj vere haodj det good in ieëre.

Verklèdj als zusterke, brandjweerman of as hippie mèt 10 kleure haor,

3 daag aan een stuk geniete van dees sjoeënste daag van het jaor.

Sjödj d’r uch nog eine in, thoês blieve heet gein zin, spring mèt os de vastelaovendj in. Dan zeen wae op asgoonsdig allemaol ram aan de pin!

En det alles ònger miên devies:

Vastelaovendj veerse neet allein! hieël Rooj oppe bein!