Home > Klup 11×11

logo klup 11x11

Klup van 11 x11

Ein aantal jaor  trök heet VV de Zoatmaale de “Klup van 11 x 11” in ‘t laeve gerope.

De lede van dees club zeen sympathisante van de Zoatmaale die mèt ein jaorlikse biêdrage van 11 x f 11,00 wat later 11 x € 5 is gewore de vastelaovendj in Rooj ongersteune. De tegeprestatie veur dees biêdrage is ein hieël pakket waat besteît oet 2 kaertjes veur de Boontje Aovendj,  ein gratis vastelaoves gezèt en 2 kaertjes veur Gruuëts. De doelstèlling van dees klup is òm de vastelaovescultuur te bevordere, ‘t stimulere en in stândj haoje vanne optocht, ‘t stimulere vanne vastelaovendj in ‘t algemein zoeëwaal veur de groeëte as veur de jeugd en de presentatie vanne groeëte raod en de jeugdraod. Wae hebbe de aufgeloupe jaore 64 lede moge verwelkome. Dit heet al drek tot gevolg gadj det oet dees klup al ein biêdrage gedaon kost waere om de jeugdraod in ‘t noe te staeke en det de groeëte road ein aantal jaore trök van noe mötse veurzeen koste waere. Dit is fantastisch en ein woord van dânk aan de betreffendje lede is dan oûch op zien plaats. Wiltj gae optimaal profitere van alle veurdeile die ‘t pakket uch beetj en daobiê ouch nog de Vastelaovendj in Rooj ein werm hert toedrage? twiêfeltj dan neet en waerdj lid. Dees klup is namelik hieël belangriêk veur de Vastelaovendj in Rooj, waat toch weer eder jaor ein fantastische happening is veur edereîn. Hebtj gae interesse of hebt gae vraoge euver dees klup van “11 x  11?” Dan kòntj gae contact opneme via info@zoatmaale.nl

Merci!

 

VV De Zoatmaale