Home > Jeugdprinsepaâr 2019

 

 

 

 

 

 

 

 

Proclamatie Prins Tuur 1e en Prinses Minke                                         

 

Rooj 12 jannewari 2019,

 

Wae Jeugdprins Tuur de 1e,

 

Jòngste, netste en slumste “oos Jur zal ‘t hiê waal neet mèt ins zeen” zoon van Jack van Jaopers Harrie en Jaennette van Kauwe Lei en Marjo van De Koleboor oet Itter.

 

Gebore oppe Mariastroat 40 in Rooj, op 23 Juli 2006 op de heitste daag van’ t jaor. Ich meindje dan ouch ieërst dèt de oeëievaar vanne lèk aaf waas en mich in Afrika d’r oêt haaj gekieperdj, en heb mich wie ich boête kwaam dan ouch mer drèk ingesmeerdj mèt factor 3 x 11.

 

Ich heb eine aojere broor, oos Jur, woeë ich vreiselik gruuëts op bin, want anges haaj ich neme gadj òm aaf en toe te trensenere….en FiFa 19 of Fortnite oppe Playstation mèt oet te probere.

 

As ich neet oppe Philips van Horne sjool hoof te zeên, dan kòntj gae mich oppe Steinakker vinje, woeë ich same mèt mien voetbalvrinj vanne Brevendia Jo13-1 probeer alvast mien basisplaats in ‘t ieërste van Rooj aaf te dwinge, get woeë oos Pap allein mer van kan droume.

 

Vastelaovendj veer ich same mèt de anger Kaepernegel & Kaepernegelkes nateurlijk in oos eige Zoatmaaleriêk, en laote os al jaore van oze bèste kantj kieke inne Zoatmaelkes-optocht.

 

Wie ze mich vroge:“Tuur weem wilse ‘t allerleefste as prinses” hoofdje ich neet lang te dinke! Zoatmaalkes en Zoatmalinnekes, maag ich ein groeët applaus veur mien Prinses MINKE

 

Wae Jeugdprinses Minke,

 

Bin de jòngste, eigewieste en uiteraard knapste en muzikaalste dochter van Roel van Jo van Huub van Kapitein van Pol en Mia van Sjaak Kluskes en Irene van de Meister en Miep van Toeter Graad. “Zoeë.. en det in eine aom”.

 

Gebore op 15 mieërt 2006, in ‘t zekehoês van Wieërt 129 daag veur Tuur, ‘t is dus waal dudelik, weem hiê de bòks aan heet.

 

Ich heb ein aojer zöster oos Joyce, die ouch geröstj gezeen maag waere, en manne van Rooj gae zeetj gewaarsjuwdj, wae hebbe ein zeer streng selectieprocedure bie os toês.

 

Wae woeëne same mèt os vere oppe Carolinestraot in Rooj dao bie dae sjoeën verseerdje tuin, hiê zeen al hieël get Zoatmaaleprinse -en prinsesse groeët gewore.

 

Dit jaor doon ich veur ‘t ieërst vriejwilligerswerk op ‘t Atheneum van ‘t Colleesj in Wieërt, en probeer hiê de meisters en juffe get slummer te make. As ich tiêd euver heb, maak ich ‘t leefst muziek op miêne piano, ich staon d’r dan ouch van te kieke det wae nog steeds bure hebbe. Daonaeve doon ich völ snappe, mèt mien vrinj.

 

Ich vinj ’t kei-sjiek det Tuur mich heet gevraogdj òm zien Jeugdprinses te waere,

En zèt gaer mèt hum same de zjuuste toeën op deze vastelaovendj.

 

Wae doon uch wete det:

 

Ten 1e                                 Verklèdj as Tovenaar en Heks, zoeë zeen wae same jaore geleje oeëts begostj

Zeen noê tot Jeugprins en Jeugprinses vanne Zoatmaale opgeklòmme.

 

Ten 2e                 Zèktj noê zelf, wae staon d’r toch echt kei-sjiek op.

Mèt dees sjoeën noe mantjels, kruuënke en Prinsemöts oppe kop.

 

Ten 3e                 Ouch oos Pap, aod Prins Jack 5e ging d’r drek hieël in mèt,

Dae was de keuning te riêk, en maag noê edere aovendj met zien keuningin nao bèd

 

Ten 4e             Pianospeule kan ich op eder melodie,

Klassiek, modern of pop ‘t maaktj mich allemaol blie.

 

Ten 5e             Op de leedjes van Men in Pek, springe en kei haard mètzinge !!

Men, gae komt os toch waal ein serenade bringe ???

 

Ten 6e             50 jaor KVW, in Rooj det waas pas echt gaaf

Aan det fieëst waas werkelijk AL-AAf

 

Ten 7e             Dit is ein vraog veur oze jeugddörpsraod, dus allemaol ff good oplètte,

Wae zoje ‘t geweldjig vinje asj gae hiê naeve 2 echte gole nieër wiltj zètte.

 

Ten 8e                         Dèt wae as Jeugd-Prinsepaar vanne Zoatmaelkes gaon geniete van eder minuut in eder oor. Same mèt uch, kome wae dae Vastelaovendj lachendjes door.

 

Ten 9e                                 Gezellig same mèt uch oppe Mega Dance mèt eine Jils,

Oefene wae eders kieër os lèste noe Dance Skills.

 

Ten 10e           Wae vraoge uch, allemaol òm in dae wichteroptocht mèt te gaôn

Zoeëdet wae op Dinsdig neme hebbe om naeve de kantj te staôn

 

Ten11e           De komendje tiêd lieërtj gae os nog zeker baeter kinne,

Mer noê gaon wae ieërst same mèt uch aan OZE vastelaovendj beginne !!

 

Zoatmaelkes en Zoatmaallinnekes

As Jeugdprins Tuur 1e en Jeugdprinses Minke staon wae te pppele òm same mèt uch allemaol aan deze Vastelaovendj te beginne. En gae geluiftj ’t neet mèr zoeë ein kruuënke

en ein möts mèt vaere is toch echt ff winne.

 

Mèr nateurlik zeen wae hieël kontênt, en gaon wae d’r veur, veur de volle 111 procent.

Deze Vastelaovendj weurtj veur os allemaol zeker boetegewoeën… en binne te gek.

Mèt oze eige Rojer muziek, van de Hoube Drè Band, Toe Mer, 2 Òngerein en Men in Pek.

Effe geine snapchat, ge-epp en sònger te tjette laaike wae dae Vastelaovendj

Oos duumke blieftj òmhoeëg van s’mörges vreug tot laat in de aovendj.

Wae gaon same mèt uch van links nao rechts hiê door dae Zaal op en nieër.

Neet eine, neet twieë, mer minstes aldaag 11 kieër.

 

Zoatmaelkes en Zoatmaalinnekes!!!

 

En dat alles ònger oos devies:

 

Nao links, nao rechts, hieëlemaol los… Belaeftj dit AvonTuur same mèt os