Home > Jeugdprinsepaar 2018

Wae, jeugdprins Juul 1 ste

Gebore op 14 januari 2005. Bin de jongste, knapste en henjigste zoon van Peter van Pierre van Custers Door en Toke van Waale Sjang. En Henny van Jan van Rookes Harrie en Mia van Berge Wel.

Ich heb ein oajer broor, Sjors en ein groeete zus Claire die aug vasteloaves blood heet en mich in 2013 al veur ging as jeugdprinses.

Wae woeene same oppe sjoeenste stroat van Rooj….. de Willeminastroat.

Ich zit op sjoeel hiej kort euver de grens in Kinder en doa probeer ich nog slummer en henjiger te waere.

In miene vrieje tieed bin ich vul te vinje achter os hoees inne sjeur woee ich vanalles inein tummer en las en os mam bliej is as ich weer binnekom………………. en al mien vingers nog heb.

Mer inne keuke stoan ich aug gaer en maak ich de lekkerste crème brullee van hieel Rooj.

Ich bin der grueets op det ich hiej as jeugdprins maag  stoan,  en heb zeker gein stress…… mit Britt hiej langs mich as jeugdprinses.

 

 

Wae, Jeugdprinses Britt,

Gebore op 16 juli 2005 oppe heitste daag van ut joar in Rooj. Bin de oadste en innigste dochter van Robert van Well van Thieu van Helkes en Truus van Sienes Louis en van Suzanne van Har van Mertens Sjaak en Lies van Thieu vanne melkboor.

Bin de innigste en oadste zus van mien jonger breurke Jens en wae hebben joare saame mit geloape mit de Kaepernegel in de jeugdoptocht.

Ich woeën omme hook vanne zaal in de keuningklukke stroat namelik de Prinses Marijkestroat.

Ich goan as brugpieper noa Het College in Wieërt hoeë ich fleenk aane bak mot.

Doon gaer mit aan alle activiteite van de buurtvereiniging De Vrolijke Driehoek

In miene vrieje tied doon ich gaer get teikene ……….en danse bie La Sophique vinj ich auch kei sjiek.

Ich vonj het kei ruig det Juul mich vroog in dit jubileumjoar as zien jeugdprinses en det weurt zeker ein groeeët succes.

 

Doon uch wete:

 

 Ten ieerste:

Det wae het kei sjiek  vinje det wae dit joar zeen oetgekoze,  en mit Britt aan mien ziej,

– en saame mit oos adjudantes, jeugdvorstin Britt en de jeugdroad van 11 goan wae uch veur in de riej.

 

Ten twieedje:

-Det wae Timo en Neske wille bedanke veur de geweldjige meneer wie ze veurig joar as jeugdprinsepaar  veurop zeen gegoan.

-Ze hebbe det geweldjig gedoan

 

 Ten derdje:

-Mit dees daag hebse geine tillefoon vandoon om dig te plezeere

-want mit hossen, lachen en zingen goan wae os fleenk amusere.

 

Ten veerdje:

-Oppe boontjemiddig heb ich versjillendje typkes gespeultj en niks waas mich te dol

-Mer noe as prinses, det is toch waal mien sjoeenste rol

 

Ten viefdje:

-Mit dees daag mot ich het tummere aan anger euver drage

-mer mit dae groep ruig manne en vroulje kriege wae zeker eine vrieet sjoeene Jeugdprinsewage.

 

Ten zesdje:

-De mega dance mot blieve bestoan

-doarom motte wae as roojer jeugd zeker noa det megaspektakel blieve goan

 

Ten zevendje:

-Det de zoatkermelkes vlaai van Joost  ein groeet succes is steit veurop,

-doa kan de frikandellenvlaai van de aldi neet tegenop.

 

Ten achtste:

-Os pap heet biej os de houte vloer stevig vastgenegeldj aane groondj

-ich dans en spring noe de hieele daag in ut roondj.

 

Ten neugendje:

-KVW eder joar weer, veur de jeugd ein groeet plezeer

-Veur os  isj helaas gedoan mer zulle dit joar as post gaer veur uch kloar stoan

 

 

 

 

Ten tieendje:

-De jubileum smokkeltocht waas kei gaaf,

-asse mich leete sjrikke zag ig stillekes   ALAAF

 

Ten elfdje:

-Kinjer van rooj, goatj thoees knippe, plekke en sjeure

-Det wae eine kinjeroptocht kriege mit hieel vul kleure

 

 

 

 

Zoatmaelkes en zoatmaalinnekes,

 

Wae goan der eine sjoeene vasteloavendj van make

en de vloer good loate kraake.

 

En dit alles onger oos devies:

 

Mit vul gebatter en kleur

Goan wae uch dees daag veur

 

 

ALAAF!!