Proklemasie Jeugdprinsepaar 2020 Jens en Isis,

 

 

Wae, Prins Jens de 1e

 

Jongste, netse, groeëtste en innigste zoon van Huub van Zeevers Toon en Mia van Lemme Tru,

en Belinda van Jo van Geelkes en Iet van Iedemiet oet Ni-jwieërt.

Gebore  zonnigs mèt Paose op 7 April 2007 in Wieërt in ‘t zekehoês. Opgegruudj bin ich inne Hei tösse ‘t moos van oos pap.

 

Ich heb nog ein aojer zöster Mara, woeë det ich vreiselik gruuets op bin. Same hebbe we dèk völ lôl, gae zultj ‘t neet geluive mer ich zooj neet zonger heur kinne.

 

Doordewaeks, as ich neet op de Philips van Horne hoof te zeen, besteit de kans detj gae mich tege komtj op ‘t voetbalveldj. Dao voetbal ich same met mien vrinj in de JO13-1van Brevendia.

As lèste man van dit team kome d’r mer weinig langs mich door, anges laot ich ze waal ff aan het graas ruke.

 

Op zonnig bin ich as ‘t 1e thoês mot voetballe ouch nog Hoofd loterie oppe Steinakker.

Daonaeve bin ich nog vriejwilliger biej ‘Rust in Rooy’.

 

Vastelaovendj veer ich same mèt mien vrinj van de Tampieëstbaere, die zich veurig jaor mèt ‘t idee ‘Patatje Oorlog’ baeregood gepresenteerdj hebbe.

As lèste bin ich vrieët gruuets det ich dit jaor de vastelaovendj veur maag gaon mèt mien maegdje Isis. Wae zeen al bekans 3x 11 maondj same.

 

 

Wae Prinses Isis de 1e,

 

Jongste en netste dochter van Pieter van Pieter van Keune Leike en Mientje van Joapers Sjaak, en Nicole van Reine Bert en Keetje van Krukke Leike.

Gebore bin ich op 2 september 2007 , in de  Carolinenstraot oppe euverluip. Ich waas toen al sneller as oos Pap.

 

Ouch ich heb nog ein zöster die Lois hètj, en die mich altied luuetj vertèlle naodet ze zelf oetgekaldj is.

 

Vastelaovendj vere heb ich hieël zeker van hoes oet mèt gekrege, zoeëwaal mama as Jeugdprinses én papa as Prins  zeen mich veur gegange. Veurig jaor heb ich as Prinses op de Firtel same mèt Daan al konne preuve aan det keuninklik vastelaovesgeveul.

 

Bin herstikke gruuets det ich ein Plekduvelke bin. Ich gaon d’r vanoet det deze sjieke groep os deze vastelaovendj regelmaotig biej steit, want fieëste det kinne die Plekduvels waal.

 

Door de waek völ ich miene tied veurnamelik in door nao ‘t Kwadrant in Wieërt te gaon.

Mien Hobby’s zeen danse biej Sophie , gitaar speule, de Mega-Dance en chille mèt vriendinne en vastelaovendj vere met de Drêlsterte,  woeë ich kei gruuets op bin.

 

Wae doon uch wete, det

Ten 1e      Wae zeen as echte Rooijer gebore ,

daorom zeen wae noê Jeugdprinsepaar gewore.

 

Ten 2e      Wae hebbe twieë fonkelnoew  Adjudante Sten en Bjon, de’s echt speciaal,

Jeugdkommitee, det hebtj gae sjoeen bedachtj, gewoeën geniaal.

 

Ten 3e      De jeugdvastelaovendj geit dit jaor op volle toeren dreije,

dus laotj uch neet door eur aojers met ein vakantie verleije.

 

Ten 4e      Wae hove deze vastelaovendj geine Sjors de rapper,

gaef os mer Rogier,…. de kapper .

 

Ten 5e      Asj gae  eder activiteit 11 minute ieërder komtj en 11 minute later gaotj vertrèkke,

dan hebbe we eder evenement 2×11 wete te rèkke.

 

Ten 6e      Euver einzaamheid onger aojer weurdtj nogal völ gezagd

daorom heb ich as vriejwilliger biej Rust in Rooy al meinig kaertje met heur gelagd.

 

Ten 7e      Wae zeen d’r ins op gaon lètte,

mer det al daag nao sjool gaon, dao geit pas völ vrieje tieed in zitte.

 

Ten 8e      De Mooshoofpaadzengers die vinj ich echt top. Ich kan alle leedjes oet de kop.

Al mis ich de leste tiêd noewe ougst oet de Mooshoofpaâd, dus men laotj nog ins gaon tis toch noeëts te laat?

 

Ten 9e      Mieër danse in de waek biej Sophie is mich alles waerd,

mer det geit niks waere, want  Sophie heet noê ein paerd.

 

Ten 10e    Mega-Dance  is ein superactiviteit ,

dus komtj mèt zien alle ins per moandj veur extra gezelligheid.

 

Ten11e       Wae kinne d’r lang of kort euver kalle,

mer deze vastelaovendj goan wae mèt uch pas echt knalle.

 

Zoatmaelkes en Zoatmaalinnekes.

 

Wae staon weer aan ut begin van ein paar heerlikke daag, woeë niks mot en alles maag.

Meziek en gezelligheid veurtj hiej de bovetoeën, genietj daovan, want vanaaf asggoonsdig is weer alles gewoeën. Geine tiêd veur chille of ein discussie, wae gaon d’r noê ein groeët fieëst van make, ziej aan ziej…

En dit alles onger os devies:

 

Neet  te lang kalle, tis Vastelaovendj……KNALLE!!!!

X