Aafgeloupe vriejig 13-01-2012 is tiejes de Gala Boontje Aovendj, de 26 jaorige Erik Maes oetgerope tot prins Erik de 1^e vanne Zoatmaale oet Stramproy. De kersverse hoeëgheid geit same mèt zien Prinses Kim, heur Sikkendantepaar Bjorn en Christel Dreesen en Adjudantepaar Roel van Horne en Yvonne Coolen de komendje periode regere euver `t Zoatmaaleriêk. Prins Erik de 1<sup>e</sup> zal regere onger `t motto “Mèt eine van Maes, drie daag… GAAS!” V.V. De Zoatmaale beedj Prins Erik de 1^e en Prinses Kim zònnig 22-01-2012 ein receptie aan van 11:11 tot 15:11 in `t Zoatmaale peliês oppe Mariastraot, dus dao is genog gelegenheid òm ziene dorstlustigehoeëgheid te kome felicitere.

Proklamasie Prins Erik 1e

Rooj, 13 jannewarie 2012Rooj, 13 jannewarie 2012,

Wae, Prins Erik 1^e,

Gebore op 6 mei 1985 oppe Horsterweêg in Rooj. Henjigste, slumste, einigste en netste zoon van Theo van Hurremus Thieu en To vanne Booij, en José van Thieu vanne Ingel en Anna van Götjes oet Tungelder. Groeët gewore in ‘t sjoeënste stùkske Rooj, same mèt mien groeëte zus: Anne-Marie.

Bin noa de Willibrordussjool gegange en via eine omweêg door Wieërt bin ich nog slummer gewore oppe Hoeëgesjool Zuyd in Haerle. Twieë joar geleeje bin ich de aafdeiling Inkoup van Rooswinkel kome versterke. De bèste inkoupactie oeëts van miene chef, Marcel van Eed van Weerens.

Heb al dèkker aan ‘t Prinse-sjap moge ruûke, as Prins vanne oaj Willibrordussjool en as jeugdprins vanne Voetbalclub. Mer noe isj echt raak, as Prins vanne Zoatmaale!

Sinds joar en daag bin ich lid vanne Zeiverlep, eine fantastiese vrinje-groep dae dit joar alweer 12-joar besteit!

Zès joar geleeje, heb ich mien Prinses Kim opgelaaje, oadste dochter van Piet van Thei van Dirxkes en Alt van Moeëne en Rien van Thieu van Bos Sjengske en Tru van Controleurke en

zus van oad-jeugdprinses Imke. Kim is fanatiek lid van Des Vrieët, eine vrieët sjoeëne groep.

Sinds 2011 woeëne Kim en ich same oppe Burgemeister Hoeijmakersstroat 2×11 in oos eige Zoatmaale-peliês, woeë det wae zurrege veur eine frisse weêndj inne buurt.

Voetballe doon ich  edere zonnig biej ‘t 4^e, woeë mien kwaliteiten zoeë waal, op ‘t tuuske, binne én boeëte de lieëne vreiselijk good gewaardeerdj waere.

De Roojer jeugd steit biej os hoeëg in ‘t vaan, as hoofdleiders biej KVW en vriejwilligers biej de Megadance kriege wae de jeugd oppe bein.

Zoatmaale en Zoatmaalinne,

Bin noê Prins biej de grasie van oad Prins Roel de 1^e, Vorst Frank, Ieërevorst Tjeu, De Road van Elf en de kepél.

Doon uch wete det:

Ten 1^e:               Det de Brouweriej mer weer snel ope geit,

                             Want de veerdje Maes-Prins is noe ein feit.

Ten 2^e:               Bjorn en Christel, same mèt uch dreije wae deze vasteloavendj de buit good aan,

                             Wae wete ‘t zeker: gae zeetj gekniptj veur dees baan.

Ten 3^e:               Zeiverlep en Des Vrieët paktj uch same as eine sjoeëne groeëte kliek biej-ein,

                             As echte bouwgroepe kriegtj gae toch zeker de sjoeënste prinsenwage oeëts in ein?

Ten 4^e:               Det de gemeindje Wieërt stiekem de glaasvezel van Rooj noa Wieërt door wiltj trèkke,

                             Mer mèt de gemeindje-balie loate ze os waal sjoeën verrèkke.

Ten 5^e:               Oppe Mega Dance inne Zaal isj edere moandj weer raak,

                             Ein paar hongerd wichter oet Rooj en omstreke goan doa hieël oet heur daak.

Ten 6^e:               Eine houp noeëw winkels, eine sjoeëne ongerein,

                             Euver ein paar joar De Roojer Zoepkoel…… op os noeëw kèrkplein?

Ten 7^e:               Vrieëte hellingen, lachendje wichter, ruig tochte, in Rooj isj eder joar uniek,

                             Die vriejwilligers van KVW zètte det eder joar weer in ein, des pas sjiek.

Ten 8^e:               Mèt Kim as mien Prinses mot ich uch dit nog efkes oetlègge,

                             Vergaetj neet om mèt die daag, tege Piet en Rien, Keuning en Keuningin te zègge!

Ten 9^e:               Noew heure top-inkouper as Prins vanne Zoatmaale oppe bühne geit stoan,

                             Zal de frikedelle-prieës biej Rooswinkel waal flink omhoeëg goan.

Ten 10^e:             Applaus veur al die Boontje Oavendj artieste, gae levertj eder joar good werk,

                             Veural die dansact, vanne Big X, vinj ich vrieët sterk.

Ten 11^e:             Op vasteloavendj dinsdig isj veur os echt gedoan,

                             Wae hebbe dan nog eine groeëte wins, om biej de Lits de verkesleijer op  te goan.

Zoatmaale en Zoatmaalinne,

Vasteloavendj veerse neet allein,
Vasteloavendj veerse mèt alle Roojer minse ongerein.
Sjuuftj veur de komendje tiêd alles ane kantj,
Wae goan lache, giere, brulle en knalle d’r op los in os Zoatmaalelandj.
Staptj met os in dit vleegtuûg, dan goan wae same mèt uch euver de kop,
En veule wae os de keuning te riêk, det weurtj top!
As leste motte wae nog ein deenk aan uch kwieët,
Deze Vasteloavendj geit d’r eine waereldj veur os ope, eine onvergaetelikke tiêd.

Dit alles ònger mien devies:

Mèt eine van Maes, drie daag… GAAS!

ALAAF!

Ich bin Bjorn Dreesen, zoon van Siem van Ber van de sjreur oet Itter en Mia van Seegers Pier. Bin gebore op 9 juni 1982 in ut zeekehoes in Wieërt. Same met  mien oajer zus Anouk bin ich opgegruudj oppe klingestroat. Intusse woen ich alweer ruum 5 joar tegeneuver de 7 winkels. Getrouwdj mèt Christel, de dochter van Jos van kampbertus oet Ell en Anja van Tompe friedje. Gebore op 29 juni 1984 en oadste zus van Bart en Ellen. Ze heet vreuger in Ell en in Itter gewoendj en dernoa oppe Hoppertstroat.

In 2011 zeen wae gruutse oajers gewoore van os menneke Raf. Hae heet de vasteloavendj al in zien blood, aangezeen dr aafgelaupe joar tiejens ut Prinsebal  ter waereldj is gekome.

Al 9 joar goan ich met gooje mood mien cente verdeene as iezerkloeet biej Derckx in Wieërt. Miene vrieje tied geit op aan voetballe in ut 1^e van Rooj en wanjele met os 2 hunj.

Bin dr gruuts op lid te zeen van de Leknaze, eine geweldjige groep dae alweer zoen 15 joar besteit.

Christel heet heur eige bedriefke op wiele, en zetj dan auch gaer de sjier d’rin. De vasteloavendj heet ze altied same met de Moelemaekers geveerdj. In heure vrieje tied is ze met de hunj inne well om staum aaf te bloaze. Geit op heure tied lekker oet aete en roondjsjoeie in de stad deut ze auch gaer.

Wae vinje ut eine geweldjige iër om aan de ziej van Prins Erik 1^e en prinses Kim te stoan.  Same met heur, adjudantepaar Roel en Yvonne en alle zoatmaale en zoatmaalinne goan wae der eine fantastische vasteloavendj van make.

!!!ALAAF!!!

 

Aafgeloupe zaoterdigmiddig 14 januari 2012 is in ‘t Zoatmaalepeliês Noud Baetsen oetgerope as Jeugdprins Noud I van VV De Zoatmaale. Same mèt zien jeugdprinses Maud Camp ane zie gaon ze regere in ‘t Zoatmaelkesriêk. Noud is eine henjige en sportieve jòng. Hae basketbaltj bie Aeternitas en riedj gaer paerd. Daonaeve zitj hae gaer tösse de hinne en is d’r erg good mèt gereidsjap. Ouch Maud is erg sportief want ze volleybaltj bie Stravoc. Maud zingtj bie Sing4U woeë ze prebeertj oet te gruje tot ‘t noewe pop-idool van Hollendj. Wie henjig Noud is zoeë creatief is Maud want ze kân kei good teikene en sjildere. Naeve al dees bezeghede gaon Noud en Maud allebei in Wieërt nao de Philips van Horne. Noud I heet de ongersjei-jing inne orde van “De Belhamel” en geit de vastelaovendj veur ònger zien devies: “Vastelaovendj in Rooj, mich dunktj te gooj!!!”

Proklamasie Jeugdprins Noud I

Rooj, 14 januari 2012
Wae, Jeugdprins Noud I,

gebore op 25 jannewari in ’t lèste joar vanne veurige ieëw in ut zekehoes van Wieërt.
Bèn noe nog 12 joar, mer euver 11 daag waer ich as Jeugdprins 13 joar.
Bèn de oadste en henjigste zoon van Eric van Ger van Sampert Graat en Tiny van Winjelkes Toon
en Monique van Jan van Lewieze Harie en Truus van Baks Mina.

Ich heb ein breurke Huib, en ein zusterke Imke. Wae woeëne gûns oppe Kruûsstroat woeë Opa en Oma vreuger de kuukskes verzurgdje.
Heb vleejoar kinne oefene as sjoolprins vanne Firtel.
Mer Jeugdprins vanne Zoatmaale, det is miene groeëtste draûm dea noê oetkeumtj.

Ich goan veur ‘t ieërste joar noa de Philips in Wieërt.
Ich heb ze doa in ein halluf joar al zoeë vul gelieërdj, det ut College os d’r noe al biej wiltj hebbe.
Ich probeer in miene vrieje tiêd biej de U14 van Aeternitas de bal in ’t nètje te mikke.

Thoês tummer en lommel ich vul mèt ut getuûg van os pap, en
verdeen mich ein sjoeën centje biej mèt ut verkaupe van os Opa zien hinne.

 

Zoatmaelkes en Zoatmalinnekes,

Bèn noe Jeugdprins biej de grasie van oad Jeugdprins Lars l, Jeugdvorst Remco, de Jeugdroad van Elf en de Jeugdgrenskepél.
Doon uch wete:

 

Ten ieërste

Det wea as Jeugdprinsepaar in dees noewe mantjels eine mega vasteloavendj moge beleave,
Raekendj d’r mer op, wae goan os hieël gaeve!!!
Ten twieëdje

Euver mien prinses heb ich neet lang noa hove te deenke, Want zèk ins ieërlik,
vindj gae Noud en Maud, auch neet geweldjig kleenke?
Ten derdje

Mèt oad en noe heb ich ut veurwerk fleenk loate knalle, mer euver deze vasteloavendj,
zal Rooj pas echt lang noakalle.
Ten veerdje

Det ‘t tiêd weurdj veur de Voice of Rooj, Want zinge, hè Maud, det kinne ze hiej pas echt te gooj.
Ten viefdje

Mich verkleije vinj ich kei sjiek. Van Pipi Langkous tot eine echte Zoatmaal
Mer joamer genogt, ging ich noeëts mèt de priês veur sjoeënst verkleijdje ane haal.

(Maud: Mèr ich waal !)

 

Ten zesdje

Det de rotonde, de breij sjool en ‘t kèrkplein veerdig zeen, det is fijn
Mer Gemeindje maaktj uch ins vroet, KVW mot trùk noa ’t zèskampterrein!!!
Ten zevendje

De Kruûsstroat, duitj biej de Jeugdprinse en Jeugdprinsesse kei good,
Want ich bèn al de zoeëvulste, mèt ut roeëd gael greune Zoatmaaleblood.
Ten achste

As det sjoeën Roojer Kwartetspel toe is,  aan ein twieëdje oplage
Bel ich de Heemkunde, mèt  “ut sjravelkerke” as mien biejdrage
Ten neugendje

Det ze mich vroge om Jeugdprins te waere vonj ich keigaaf
Mer mèt Jeugdprinses Maud d’r biej isj pas écht aaf
Ten tieëndje

Jonges en maegdjes, liktj ut mich ins oet Zitte de wichter van Rooj oppe Firtel in Oprooj,
Of ín Rooj, oppe Doezendjpoeët,
Of in ÓpRooj, ín ut Debberke,
of in Rooj neave ut Debberke, inne Doezendjpoeët,
of in OpRooj, onger de Firtel oppe Doezendjpoeët,
of Oppe Firtel, in Rooj neave ut Debberke,
of….in Rooj, ……OpRooj…..…

Ich snap ut neet mieër, ich goan noa de EHBO.

 

Ten elfdje

Det Opa de komendje 6 zoaterdigge, songer mich, tusse de hinne mot laupe,
En Oma ut ekstra druk kriegtj, want zu geit 11 eikes veur de priês van 10 verkaupe.
Zoatmaelkes en Zoatmaalinnekes

As Jeugdprins vanne Zoatmaale bèn ich vrieët gruuëts det ich mèt Jeugdprinses Maud de vasteloavendj veur maag goan,
Wae wille mèt uch vul lol en plezeer make en mèt diej daag neme ane kântj zeen stoan.
Verkleijdj uch op allerlei versjillendje menere, det kintj gea zeer zeker waal
Dan weartj ut Jeugdprinsebal écht bal, hiej inne Zaal.
Pongeltj en klommeltj get in ein, en helptj deindanger, Dan weit ich zeker, dan weurdj de jeugdoptocht wéér vul langer.

 

En dit alles onger mien devies:
Vasteloavendj in Rooj, mich dunktj, te gooj!!!

Alaaf!!!

 

Òngersjei-jing inne orde vanne belhamel.

“Zoatmaal van Verdeenste “ oetgereîktj ane Mooshoofpaadzengers

Ein paar jaor geleje heet V.V. De Zoatmaale  “De Zoatmaal van Verdeenste” in ‘t laeve gerope omdet ze het zeer waardeertj en belangriêk vindj det minse in Rooj bezig zeên mèt en zich inzètte veur de Roojer Vastelaovendj. “De Zoatmaal van Verdeenste” is ein òngersjei-jing inne vorm van ‘n uniek speldje, det weurdj oetgereîktj as waardering veur detgene waat eme heet beteîkendj of nog beteîkendj veur de Roojer Vastelaovendj. Det kân eine mân zeên, ‘n vrou, ein koppel of zelfs eine hieële groep.

De derdje “Zoatmaal van Verdeenste” is dit jaor toegekindj ane Mooshoofpaad Zengers.

De Mooshoofpaad Zengers zeen opgerichtj op 10-10-1974 en zeen van 6 mân oetgegruutj nao 9 zengers. Mieër as 30 jaor hebbe ze deilgenome ane Roojer Boontje Aovendje. De Mooshoofpaad Zengers hebbe same òngevieër 300 leedjes gemaaktj die veur ein groeët deîl te beloestere zeên op 1 LP, 8 Cd’s, 1 singel en zelfs 1 casette beindje. “De Mooshoofpaad Zengers” zeen veur al dees activiteîte 3x gepromoveerdj ane Narren Universiteit Limburg en zeen dus ouch allemaol Doktor aan de “NUL”. Òngerândj is d’r in Rooj ouch ein eige straotnaam nao de manne verneumdj nl, wie kântj ouch angers, “De Mooshoofpaâd”. As bliêk van waardering veur heur groeëte biêdrage ane Roojer Vastelaovendj hebbe de Mooshoofpaad Zengers aafgeloupe zaoterdig “De Zoatmaal van Verdeenste” in ontvangst moge neme tiejes de opening van ‘t  noewe Vastelaoves seizoên.

Theo, Frans, Jan, Geer, Fons, Lei, Geer, Jack, Jan eine dikke proficiat en namens V.V. De Zoatmaale hieël hertelik dânk veur eure inzèt.

Jubilaris V.V. De Zoatmaale

Véúr aanvang vanne“Zinderendje Zaoterdig” aafgeloupe zaoterdig heet V.V. De Zoatmaale ieërst eine jubilaris in ‘t zunke gezatte: Frank Geelen, of te waal “Aod Prins Frank de 1^e” oet 2001 dae indertiêd veur-op ging mèt ‘t devies “Vastelaovendj eder jaor weer recycling van plezeer” is 11 jaor lid vanne Zoatmaale. Frank heet zich de aafgeloupe periode o.a. verdeenstelik gemaâktj bie ‘t Openings kommitee en ‘t Sponsor kommitee. Frank heet in 2003 zitting genome in ‘t dageliks bestuûr en beklèdj sinds 2004 mèt völ plezeer zien taak as Vorst. Zien vrou Karen maaktj deîl oet van ‘t Optocht kommitee. Frank en Karen van herte proficiat en dank veur eure inzèt! Wae hope det wae same nog lang plezeer moge belaeve.

De 25^e Leedjesaovendj en de Zinderendje Zaoterdig van V.V. De Zoatmaale

Aafgeloupe Zaoterdig waas`t dan eindelijk zoeë wiêt: De Zinderendje Zaoterdig.
Deze noewe opzèt vanne Opening Vasteloavendj 2012 begost mèt de 25^e Roojer Leedjesaovendj. In gemeinsjapshoeês “de Zaal” brachte 6 deilnemers heur eige leedjes ten gehuuëre die door eine 4 koppige jury kritisch woort beoordeildj.

De oetslaâg:

1^e Men in Pek – Blauw Plekke ( t&m Jansen & Janssen) 

2^e 2 Óngerein – Zingendj nao boête ( t&m Jan Coenen )

3^e Ed & Arie – Dansmarie ( tekst Jan Coenen & Muziek Rolph Broens )

Winnaars, van herte proficiat.

Oûch nao de Leedjes Aovendj oppe Zinderendje Zaoterdig bleef `t knoeër gezellig mèt muziek vanne Wieërter Topformatie “DaVinci”. Eine dikke merci veur alle Zoatmaale en Zoatmaalinne en veur de minse boete Rooj die massaal zeen kome kieke en loestere nao deze noewe opzèt vanne opening van ‘t Vasteaovessezoên. Alle 6 de leedjes zeen gratis te downloade op deze website. Waat os betreftj kan de Vastelaovendj beginne.